東網電視
更多新聞短片
洪卓立半夜三更到山中拍鬼片。
1/4
歌手洪卓立（Ken）早前拍攝首部直拍式網劇《森魔》，飾演一位沉迷靈異故事的遊戲製作人，為創作恐怖遊戲，探尋深山傳說而連還遇上怪事。Ken表示不抗拒拍靈異恐怖片：「其實我出道以嚟都冇拍過鬼片，今次算係第一次，比想像中過癮嘅。」雖然Ken稱未遇到怪事，但現場攝影師及演員則見到白衫身影經過：「當時凌晨3、4點拍緊最後一埸，講我暈咗喺條小路到，我只覺得地下有蟲咬我，所以郁咗幾下，但見到佢哋面有難色，點知原來佢哋係見到啲嘢。」
Ken稱拍攝都在中午至翌日清晨，首次拍鬼片感受是倦多於驚，因為山上拍攝環境惡劣，戲中的他又要崩潰，又要撞鬼，完全是挑戰體力。Ken又表示今次拍攝有多個第一次，如第一次在摸黑環境下做戲，第一次在拍攝現場遇到有蛇，Ken話：「嗰陣喺拍我哋一班人BBQ，有工作人員見到條蛇喺附近，仲係顔色鮮艷一睇就知有毒嗰種，條蛇之後爬上樹，對住我哋個火爐，我哋一邊拍一邊諗，條蛇會唔會熱到跌落嚟呢！（有蛇都唔走？）咁又冇喎，個場戲都好重要，惟有頂硬上照拍啦！」
洪卓立拍攝期間遇上靈異事件。
洪卓立話仲見到毒蛇。
