TVB臥虎藏龍　李興華內地直播唱歌奪亞

於無綫劇集《同盟》中飾演陳山聰下屬的藝人李興華原來是樂壇的臥虎藏龍，他近日透過內地流行社交平台直播比賽，在觀眾投票下贏取亞軍。他接受東網訪問表示，當日直播時獻唱《光輝歲月》及《失落沙洲》：「個平台一開始開放畀全部玩直播嘅人，跟住佢哋會揀100強，我再入埋10強添。有啲人好勁，好似唱到歌手咁。」<br/><br/>他透露今年二、三月完成拍攝劇集後，趁有空檔開始在該直播平台設立戶口：「我原本冇諗住唱歌，都係開嚟傾吓偈。點知玩玩吓就買一枝唔使100蚊嘅咪，到依家買咗過萬蚊嘅直播裝備。好彩做直播觀眾覺得好睇，就會撳吓啲禮物畀你，個平台就會推廣你個直播室，多啲人睇就自然會多啲人送禮物，可以換現金。」<br/><br/>剛開始玩直播時，李興華只有十多名觀眾，到現在已累積了數萬名粉絲，開始有點成績，累積觀看人數超過200萬，他說：「有啲人有固定睇我，跟住人數愈嚟愈多。平均有兩、三萬人睇，最高試過有12萬人同時在線睇，要堅持每日玩先聚到好多人。」他更坦言希望除拍劇外，可以在唱歌方面發展。