入行26年破「處」!朱茵奪中美電影節影后

20171102
東網電視
更多新聞短片
真係恭喜你呀!
朱茵入行26年,首奪影后!第十三屆中美電影節於11月1日在美國洛杉磯開幕,並公布電影節「金天使獎」獲獎名單,朱茵憑內地電影《二次初戀》勇奪最佳女主角,朱茵在微博報喜,更以「百感交集」來形容自己的心情,還用「卜通卜通」形容自己的心,緊張到劇跳,但可惜,老公黃貫中今次沒有同行,難怪她也留言「老公,只差你在身旁」。
《戰狼2》奪最佳電影
而天使獎其他獎項得獎者則有,最佳男主角由電影《李保國》的林永健奪得,最佳電影《戰狼2》,而最佳導演則是《功夫瑜伽》的唐季禮,至於最佳男、女配角則由《戰狼2》吳剛以及《你若安好》孫茜奪得。除了幾項大獎,天使獎還設「中國最具人氣美國男演員」,結果由主演《美國隊長3》的Chadwick Boseman奪得,而「中國最佳人氣美國導演」則是《英倫對決》導演Martin Campbell。
想返香港啜老公
對於首奪影后,身在美國的朱茵奪獎後接受東網電話訪問,她指自己奪獎一刻,感覺好似發緊夢:「好開心呀,好似發緊夢咁,同戰友同事去咗食海鮮慶祝攞獎。(老公黃貫中不在身邊?)係呀,佢有工作冇嚟到,所以依家我最想快啲飛番嚟香港,好好攬住佢啜(錫)!」
Paul諗緊慶祝計劃書
至於同樣身在外地的黃貫中(Paul),當得悉太太朱茵在美國封后的消息後說:「我當然替佢好開心。(會唔會同朱茵慶祝?)慶祝計劃書仲喺度諗緊,寫好話畀你聽,總言之一定要搞大佢。」
身為朱茵好友嘅陳法蓉亦有轉載博文,並留言恭喜對方:「親愛的~你知道嗎?你是最好的!恭喜恭喜~為你而驕傲~~~」
----------------------------
東網巨星開咗ig喇,大家快啲follow啦!