東網電視
更多新聞短片
顧紀筠話佢同老公唔太鍾意仔仔做娛樂圈。
1/4
前藝人顧紀筠與丈夫陳仕偉到黃竹坑出席慈善晚宴，她透露丈夫用她的名義捐了港幣128萬給醫學博物館：「所以其中一個房係用我個名命名。（點解咁支持？）第一我哋好多醫生朋友，第二我哋都參觀過醫學博物館，係好有歷史性嘅建築物，自負盈虧，又冇Funding，所以希望多啲支持。」顧紀筠指丈夫早前想送禮物給她，她自言不算很富有，但已擁有很多，因此建議丈夫捐錢給不同團體。
叫仔仔揸主意
提到兒子陳浚霆（Andrew）離開無綫，她坦言知道對方有這想法，但不知道確實時間：「佢入去都唔話我聽，佢入咗我都支持佢，到佢話離開，我就話你自己揸主意啦。」她認為兒子已不是小朋友，而且自己對娛樂圈已不熟悉：「依家年代嘅年輕人做嘢、接觸嘅環境、開唔開心，我唔可以用我嗰套教佢。只要佢開心，用佢嘅方法處理係OK，我夾硬講嘅嘢可能唔啱聽，但佢做咩我同丈夫都支持。」
年輕人應該去闖
至於Andrew在《愛．回家之開心速遞》中的角色消失，她表示不是經常看劇集，但日前仍在片頭看到對方：「我仲問佢點解佢仲喺度，佢話佢都唔知，我都懵吓懵吓。佢話想喺出邊發展，我都唔知係咩。（佢去內地拍真人騷？）係咩？」她坦言經常從朋友傳來的報道知道兒子的動向，因為自己經常不在香港：「佢覺得真係有需要先問我，我哋好多生活上嘅嘢傾，工作上我就話我Out啦，叫佢唔好問我。我喺呢行好保守、唔積極，如果跟我條路，唔會對佢有大幫助。年輕人應該闖吓，我成日鼓勵佢，有把握咪做囉。」
望仔仔正經做嘢
顧紀筠笑言最想兒子幫自己，她與丈夫不太喜歡兒子做娛樂圈，覺得很被動，就算很努力，都要視乎運數、人脈和時勢等：「玩多兩年啦，好正正經經做其他嘢。佢簽無綫5年我都唔想，最初只係兩年，但愈整愈長。」
顧紀筠同老公現身。
顧紀筠話佢同老公都會支持仔仔嘅。
陳浚霆（資料圖片）
