預告復出　陳法拉睇騷不忘大派利是

女星陳法拉日前應品牌之邀出席米蘭時裝周，以一身彩色格仔西裝現身的她夠晒搶鏡。由於時裝周適逢農曆新年，法拉亦應傳統向品牌創辦人大派利是，她笑言：「開工利是好意頭嘛，佢可能第一次收利是，所以問我係乜嘢，我話係good luck money，佢想即時拆開，哈哈，我叫佢要留住。」而近年在紐約進修戲劇的法拉快將畢業，她更預告將會投入拍攝工作，令人期待。<br/><br/>睇中好多古董家具<br/><br/>法拉首次踏足米蘭，只逗留兩天，行程十分緊湊豐富，除了欣賞時裝騷外，大會又為她安排生日飯，令她大感驚喜，她說﹕「今次睇騷撞正我生日（2月24日），大會安排咗一間海鮮餐廳幫我慶祝生日，餐廳仲幫我整咗個特別嘅蛋糕，好開心，今年有咁多人陪我一齊玩同做嘢。」法拉亦偷了半日時間遊米蘭，見到不少心儀的古董家具，她說下次要帶多一個喼來選購。<br/><br/>靜修完即飛米蘭<br/><br/>法拉在紐約進修戲劇的四年課程即將畢業。臨飛米蘭前，剛完成一個畢業演出及參加了一次無聲的靜修，她感覺良好的說：「飛米蘭之前老師帶咗我同一班同學上山遠離煩囂，閉關靜修一星期，臨畢業前畀時間大家聽吓自己心聲。」不過靜修才剛結束，她便得趕上飛機赴米蘭，重返花花世界，換上華麗服飾，笑言一時間令她適應不來。