邱芷微獲高人指點改藝名轉運

20180226
東網電視
更多新聞短片
邱芷微獲高人指點下改藝名轉運。

藝人邱芷微(原名:邱美薇、Chelffy)於深水埗出席舞台劇發布會,她透露早前獲高人指點下改藝名轉運:「其實早於出道時已經有另一高人指點過我一定要改藝名,不過嗰時屋企人就覺得冇需要改,所以一直用本名尊重老人家們。當然本名我都鍾意,但經過咁多年的工作經歷,真係唔到我唔信。」

要時間適應新名

Chelffy笑言始終原名多人認識,現在介紹自己也要想一想:「在台上介紹自己也差啲講番本名,剛踏入狗年要開始用新名字見人,相信大家也需要時間適應,希望大家叫多啲我個新名。」至於改名後在工作上有甚麼新發展,Chelffy透露日前與內地一位男新人合唱完成新歌曲錄音:「係我首次推出國語歌同埋跟內地公司合作。歌曲現正在後期階段,預計三月底左右喺內地率先發布,到時需要去內地宣傳。至於香港方面,亦正在籌備兩首廣東歌中,預計分別喺暑假前後推出。」

同林淑敏鬧交吸引觀眾

此外,Chelffy於劇集《愛.回家開心速遞》中飾演賈名媛一角,經常與「大小姐」林淑敏大吵大鬧而開始令人熟識,她說:「係一個非常有化學反應嘅角色,亦令我開始出活動時多咗觀眾留意同埋認得我,叫我個角色名已經好開心。希望將來能夠遇到一個更多演技發輝嘅角色令觀眾更喜歡,對我更深刻印象。」此外,她將與另外四位演員在舞台劇上於不同場次飾演同一角色,她坦言不擔心比較,反而會互相交流學習,為演好這角色而努力。

----------------------------
東網巨星開咗ig喇,大家快啲follow啦!
https://goo.gl/KGuo2N