東網電視
更多新聞短片
黃德斌（右二）與導演陳詠燊（中）各自收到禮物。
1/4
藝人黃德斌與導演陳詠燊（Sunny）到新城宣傳電影，主持鄭啟泰及林祖輝向即將成為人夫的德斌送上印有「黃」字的利是封，恭喜他明年可以派利是。而向美玲就向Sunny送上有「FAMILY」字樣的相框，但笑言加了自己的照片，叫他小心被太太罵！問收到禮物的感受如何？德斌笑言：「好激動！真係激死，搞啲咁嘅嘢。（諗起要派利是唔開心？）唔會，梗係開心啦！」
提到票房破千萬，導演亦有份被網民要求騷肌「找數」，Sunny笑說冇應承過：「我冇得除，要睇都睇德斌。（睇你嘅真大叔身形？）我驚啲院線即刻Cut晒所有場！」德斌提議他唱歌找數，Sunny即說：「怕你呀！就唱『黎狗扭吓蘿柚』，我作晒成隻《獅子山下》。」並表示要繼續為票房奮鬥，以及觀眾準備禮物：「除咗月餅，仲有余香凝（Jennifer）簽名開咗光嘅番梘水，好多男觀眾搶㗎！」他透露想開拍類似感覺的電影，因為很多觀眾都期待笑住聽廣東話：「我每日都會睇網民寫乜，創作上嘅批評我會接受，但有人話Jennifer單手打鼓好流就唔得，因為好多人比賽都係單手。」
而德斌表示接拍這片時沒想過成績會這麼好，認為導演很大膽：「今次嘅好係整體嘅，最重要香港人拍到香港觀眾鍾意睇嘅戲。（未婚妻Joyce睇咗覺得點？）佢話好睇，笑囉。」談到結婚不會擺酒，他表示會拍婚紗照：「喺香港影就得。（未婚妻肯？）依家科技咁先進，我整到喺月球影都得！」
----------------------------
東網巨星開咗ig喇，大家快啲follow啦！
陳詠燊（左）與黃德斌一同到新城宣傳電影。
黃德斌收到印有「黃」字的利是封。
就係呢個相框！
