五年斷纜 ！劉愷威生日　楊冪冇送祝福

藝人劉愷威今日44歲生日，唔少網友都有喺社交網向佢送上生日祝福，不過當中就唔見咗一個熟悉嘅身影，嗰個就係佢老婆楊冪！其實過往5年每逢老公生日，楊冪都會喺凌晨時分於網上發文祝賀，但今年係佢首次斷咗「五連環」，對老公零表示！呢個消息一傳出即引起網友熱議，有網友甚至翻炒原來今年楊冪生日時，劉愷威同樣冇留言送祝福，令佢哋兩公婆嘅關係再度成為焦點。