東網電視
更多新聞短片
劉佩玥話周志文（圓圖）不嬲都好關心佢！
1/10
無綫花旦劉佩玥在寶琳一間小學為劇集《跳躍生命線》宣傳，她近日自爆淋巴及免疫系統出問題，幸最後有驚無險，她說：「最初發現下巴腫咗、有啲突出嚟、仲硬硬哋，於是去睇醫生化驗，睇超聲波見到三個淋巴核脹起咗黐埋一齊，醫生用枝針插入去抽組織化驗，我同醫生講可唔可以抽埋佢出嚟，咁咪冇事囉，當時其實好緊張，諗住講笑等自己輕鬆吓。」
醫生叫多啲休息
劉佩玥等待化驗結果時也擔心到喊，慶幸化驗結果是良性：「下巴腫脹已經消咗，但係頸上仲有一粒淋巴腫起咗，醫生叫我多啲休息，但係拍劇時間就控制唔到，不過《救妻同學會》就快拍完，下年先再開《降魔的2》，有時間可以休息吓。」
不嬲好唔使加分
問到緋聞男友周志文可有關心她？劉佩玥笑說：「文仔不嬲都好關心我，大家都係朋友，佢除咗短訊、電話，都有直接叫我食嘢要食得清啲，唔好飲咁多珍珠奶茶。（感情跨進一步？）感情不嬲都好嘅。（有冇加分？）都唔使加分，佢不嬲都好好。」
----------------------------
東網巨星開咗ig喇，大家快啲follow啦！
劉佩玥強調同周志文係朋友喎！
不過都要休息多啲呀！
大派心心。
但就講到好冧豬！
加油呀！
劉佩玥喺活動上扮受傷。
好彩化驗結果係良性！
賣萌！
由馬德鐘（左起）、何廣沛同羅天宇幫佢包紮。
