馬德鐘爆高潮　呼籲張文慈帶隊騷泳裝

藝人馬德鐘在無綫台慶劇《跳躍生命線》祝捷晚宴上透露，對上一次為無綫拍劇已是兩、三年前的《以和為貴》，今次「回歸」拍劇得到很好的反應，感到好開心，並多謝高層曾勵珍邀他演出，而劇集有此效果實在令人鼓舞。問劇集如果收視達35點一班後生演員是否應該有表示？他謂：「應該要有，佢哋代表咗青春活力，35點未必冇機會，之後劇情進入高潮，好多救護緊張情節，記得上星期尾睇劇集尾自己嘅獨白，聽到自己獨白有希望同奇迹，其實錄嗰時冇感覺，睇番原來都感動到喊。」

對於有人提議同劇的劉佩玥聯同陳瀅、張曦雯等穿泳裝慶祝。馬德鐘笑言絕對有睇頭，更謂：「一定要，其實張文慈都好Fit，雖然劇入面做我家姐，但畫面都應該好養眼，所以佢哋四個喺結局前一齊再谷收視。（台慶攞獎有冇寄望？）冇太大，到時未必有機會台上講呢啲說話，趁呢個機會講晒出來，但都想大家齊齊整整出現頒獎台上攞『最佳劇集』獎（開續集？）如果公司有呢個需求，作為演員會全力以赴。」

----------------------------

東網巨星開咗ig喇，大家快啲follow啦！