東網電視
更多新聞短片
Katy拍攝武打戲拍到韌帶撕裂，慘慘豬！
1/7
無綫藝人龔嘉欣（Katy）與新鴻基地產代理執行董事馮秀炎在觀塘apm出席《聖誕冰雪樂園》預覽記招。Katy着上紅色吊帶裙性感亮相，正在拍攝劇集《殺手》的她透露拍攝武打戲時被木棍打中右手尾指，導致韌帶撕裂：「最初以為淨係斷咗筋，之後發現韌帶撕裂，要成個月先好返，但都要繼續拍打戲，平時要戴住個手指托。」
表現勇猛
所有動作戲皆親身上陣的Katy自爆手指受傷後傷口卻不停流血，但自己竟然沒有喊、表現太勇猛，她說：「我仲拍埋嗰日嘅廠景，到第二日先去睇醫生。」Katy為劇集操弗，練出腹肌及馬甲線，但也瘦得胸骨乍現，她表示：「又唔會太瘦，上鏡就啱啱好，依家感覺自己嘅狀態好好。」
聖誕恨約會
被問到近期頻頻晒泳衣照，是否有意「招親」？Katy笑說：「唔關事，因為依家操得弗，想留吓紀念。」她又公開呼籲，希望聖誕節有男士約會她：「我真係要消除好多男士對我嘅誤解，真係冇人約我！可能我做咗殺手，殺氣大到嚇親佢哋。依家公開呼籲大家聖誕約我啦！最緊要係識煮嘢食，都想享受一吓、有人錫吓。」
Katy同新鴻基地產代理執行董事馮秀炎齊齊現身。
Katy公開呼籲男士聖誕節約佢出街～
Katy條紅色吊帶裙好性感呀～
靚女叫到，大家識做啦？
Katy大呻自己冇人約！
Katy為做打女搏到盡，認真敬業。
