突然波濤「胸」湧 倪晨曦:唔知點處理
20181115
東網電視
更多新聞短片
![](/hk/bkn/cnt/entertainment/20181115/photo/bkn-20181115173610138-1115_00862_001_01p.jpg?20181115191708)
究竟係邊個做嘅?
模特兒倪晨曦(Elva)出席活動時,對於有網友將Elva靚樣key上火辣身材,並冒認其名開設Instagram,她回應:「朋友Send畀我話我深藏不露,開頭覺得好好笑,但係又好驚,唔知用咩心態咁做。(報警?)咁又冇,不過唔知點處理呢種問題,我啲fans一向好正面、好Nice,淨係同我分享美妝同做運動心得。(係咪理想身材?)我鍾意Slim、輕盈多啲。」
被問到作為ViuTV選秀節目《Good Night Show廣告女皇》評審之一的她有可準則?她表示雖然與參賽者有私人感情,但對評分相當均真:「就算我鍾意佢多啲,但作品差少少,都會同佢講番有咩要改善。(有冇參賽者特登去討好你?)冇,佢哋好驚同導師傾偈,每次都保持好遠距離,係我哋主動去同佢哋講嘢。」問對參選者嚴不嚴厲?她自言是眾導師最溫柔的一個:「喺佢哋身上見到幾年前嘅自己,佢哋做得唔好嘅地方,我都會反思,唔會好harsh去批評。兩個月冇理由咩都唔識變到專業,佢哋欠缺係經驗。」
而參加ViuTV節目《Good Night Show 廣告女皇》的四位參賽者奧米嘉儀、Pony、Lily及小神經今日都有現身,對於同場的倪晨曦讚不絕口,讚她為女神!雖然決賽明天才播出,但她們已知道賽果並保密,Lily稱身邊很多朋友都予以支持,表示感謝。她們更言無論賽果如何,都想加入娛樂圈,奧米嘉儀說大家感情好好,笑言可以像《全民造星》般自成組合入行。