紅館騷絕不加場　陳曉東爭落周身「債」

歌手陳曉東到電台宣傳3月紅館騷，表示只演一場，絕不加場。問到香港得一場不會太少？他謂：「場地合約都未有，其實都落實得好遲，今個月22號公開發售，但我3月頭就開騷。」他又透露有很多親戚朋友的飛債：「預售爆咗，尋日先有個親戚同我講話要100張飛，我惟有叫主辦畀啲飛。」他亦謂太多歌想唱，有些歌迷想他唱side track歌。<br/><br/>問到香港站可會跟其他站不同？他謂快歌會重新編排，歌衫亦跟之前不同，問到成本可是很高？他表示都是，而新年就會留港排舞，問到新年可會回內地陪老婆及兩女？他笑言：「佢哋好似話嚟過年。（成日陪你做嘢？）唔係，新年啲利是勁先返嚟，多人呀嘛，親戚又錫佢哋，講笑啫，佢哋陪我過年。」問到兩女到時可會上台表演？他表示：「佢哋都好有表演欲，又想學中文朗誦，老婆想佢哋多啲才藝，都係好事。（有冇同佢哋講過上台？）其實澳門同台灣佢哋都有上，可能到時掹佢哋上嚟先。」