乜玩法？學友開騷男粉絲大嗌：我愛黎明
20190131
東網電視
更多新聞短片
玩到咁大？
歌神張學友233場世界巡唱終於圓滿結束，呢日喺網上流傳一條短片，內容正係學友開騷時同觀眾握手期間，清晰聽到有位男士大叫：「學友！我愛黎明，我愛黎明！」雖然場面尷尬，但係學友好似聽唔到，面帶微笑繼續握手！唔少網民怒插呢位男士冇禮貌，仲話佢咁做好唔尊重學友！
其實類似嘅情節曾經喺電影《破壞之王》入面出現，劇情講學友開騷粉絲排晒隊等買飛，突然有位阿叔大叫「我愛黎明，我愛黎明！」結果呢位阿叔喺戲入面畀學友粉絲圍毆。所以有網民推斷呢條片係抄襲電影情節，只係後期加工純粹惡搞。
----------------------------
東網巨星開咗ig喇，大家快啲follow啦！