誤墮騙局？吳京客串拍戲竟然要畀成千萬

內地演員吳京上年自編自導自演嘅《戰狼2》全球大收，唔少人都等緊佢嘅新戲上演，今個新年就有套佢有份演出嘅電影上映，雖然唔係第一主角不過都令到粉絲好期待。喺訪問中吳京自爆原本只係客串一場，最後竟然投資咗成千萬變咗做出品人！<br/><br/>當初導演搵吳京客串嘅時候，佢話見到導演個慘樣就諗番起自己執導《戰》時嘅苦況，所以就答應客串幫吓手，點知去到片場先至發現，金主竟然消失咗，套戲未必夠錢拍埋落去，吳京就主動攞成千萬出嚟撐起部戲，而佢自己亦由1日戲份變咗演足31日，吳京笑言導演就係一個騙子，將佢呃入劇組，搞到佢變咗出作人。