東網電視
更多新聞短片
鍾嘉欣本來幫老公遮咗樣，但再晒出「冇格」版！
1/9
聽日（14日）就係情人節，2015年與圈外脊醫男友Jeremy Leung結婚嘅鍾嘉欣，為咗保護老公，喺社交網只會上載仔女照片，而今日嘉欣終於忍唔住大晒恩愛！
現時喺溫哥華居住嘅嘉欣，尋晚同老公撇低仔女，拍拖去睇冰上曲棍球，佢喺Instagram上載咗兩張相，留言多謝球隊邀請佢睇比賽，而佢同老公仲出現喺場館嘅大電視，大會介紹佢係2003年《溫哥華華裔小姐》及2004年《國際華裔小姐》冠軍，而老公就坐喺佢身邊！嘉欣不停向鏡頭揮手，不過佢就用個心心圖案遮咗老公個樣，而第二張相佢就以第三者角度圈住佢哋坐緊嘅位置，非常搞笑！
不過正當以為Jeremy「被消失」時，嘉欣嚟個反高潮喺Ig story上載咗段「冇格」版片段，片中嘅佢非常興奮舉晒V，而Jeremy知道有鏡頭影住佢亦笑晒口，仲同老婆甜蜜對望，網民都大讚So Sweet，提早祝佢哋情人節快樂呀！
而另一邊，廖碧兒亦同友人入場睇波，佢亦喺大電視中出現，真係威水呀！
----------------------------
東網巨星開咗ig喇，大家快啲follow啦！
嘉欣幫老公「打格」，真係「有心」！
嘉欣向鏡頭揮手！
廖碧兒亦有入場睇波！
仲搞笑圈住佢哋坐緊嘅位置！
又同老公甜蜜對望！
亦喺大電視中出現！
佢又上載另一段片！
結咗婚之後，老公靚仔樣都冇再曝光！
