同楊冪冇晒聯絡?劉丹齋講孫女唔提前新抱

2019年02月15日 18:26
東網電視
更多新聞短片
劉丹話劉愷威近幾個月都留喺香港,可以一家團年。

藝人劉丹出席《愛.回家之開心速遞》的元宵活動,他透露今年新年過得好開心,因為孫女小糯米已懂得講很多恭賀說話:「佢講到唔停口,佢有個袋仔袋利是,袋到爆晒棚。」他稱每逢新年都會約齊一班親友食飯拜年,去年底宣布與內地藝人楊冪離婚的兒子劉愷威近幾個月也在港,可以一家團年。問到小糯米有否向媽咪楊冪拜年?他說:「佢都唔識啦!(楊冪有冇打電話向你拜年?)仲未有。(今年係咪冇同你哋聯絡?)呢樣唔好講啦。」其後即轉話題指擔心孫女新年期間吃很太多朱古力而病倒。

另外,劉丹表示非常佩服自己的老婆,因為她多年來寸步不離地照顧小糯米:「又接返學放學,同埋去興趣班。啲同學嘅家長都大讚呢個嫲嫲無得彈,係好偉大嘅嫲嫲。(孫女咁黐嫲嫲,你會唔會呷醋?)唔會,我一返屋企,佢就好黐我,佢好開朗,老師都叫佢做Happy Baby,佢又好好口,所以𢭃到好多利是,可能嫲嫲有私下傳授。」