東網電視
更多新聞短片
Take care！
1/4
歌手石詠莉（Sukie）到電台宣傳新歌《動態回顧》，她表示之前一直哮喘發作，直至近日終於好番很多，她認為發病原因是與「污糟嘢」有關：「我新年前去求籤，解籤提我話會好易撞到鬼，之前我去墳場拍MV，要對住個墓碑做戲，我諗就係咁唔小心撞到，所以我就病咗差唔多成個月，好耐冇試過病咁耐，同埋不停會發啲好奇怪嘅惡夢，例如畀鬼追。其實我唔係疑人疑鬼嘅人，估唔到會咁。（有冇做啲咩或搵師傅幫手？）冇呀，就咁心安理得對住個天講『希望唔好再跟住我，有咩打搞到唔好意思』，其實當日拍攝前已有講唔好意思。」
問到老公鄧健泓可有很擔心她？她表示：「梗係擔心！因為仲有成十幾首歌未錄。我自己都擔心嘅，作為一個歌手，呢個係好大嘅責任。（你依家準備好錄音？）我ready㗎啦。（會唔會正式搵人幫幫手？）我覺得最緊要個人正能量啲，咁就百毒不侵。」
----------------------------
東網巨星開咗ig喇，大家快啲follow啦！
石詠莉夢見畀鬼追。
石詠莉好擔心。
鄧健泓
