19年啦！《尋秦記》原班陣容拍電影版

藝人古天樂（古仔）出席旗下的天下一電影巡禮，席上公布將會今年計劃開拍及已完成的電影包括科幻片《明日戰記》、《尋秦記》、《風雲》、《犯罪現場》、《電影痴漢》、《雞蛋仔》、《BABY復仇記》…超過十部作品。《媽媽的神奇小子》等。 而今次電影版《尋秦記》更會以當年電視劇原班演員上陣，包括宣萱、林峯、雪兒、郭羨妮和滕麗名都現身電影巡禮，更分享重聚感受，古仔謂：「當年套劇已經係2000年嘅事，好多人都想我哋拍番電影版，當初冇諗過用原班演員，但後來都覺得用原班演陣容先好睇。」

宣萱就稱知古仔話拍，已經開心了幾年，現終於等到開拍這一日好興奮。雪兒則好開心，因為已經好多年沒見過這班朋友，再見到感覺好Sweet。而郭羨妮說：「呢套戲《尋秦記》係自己入行第一部作品，對自己嚟講係好重要，所以當知道拍電影版覺得好興奮，多謝古仔。」而滕麗名說：「喺後台就畀古仔嚇一嚇，話要打到七彩，所以我希望佢畀多啲錢請多啲替身畀我。」林峯則言：「聽過古仔講要拍這部戲好耐，每次見到佢都話劇本又改緊，總之好精彩。」

之後古仔、宣萱和林峯一齊受訪，提到今年開很多套戲，總投資多少？古仔說：「呢啲要問番電影公司。（你咪老闆囉！）唔講呢啲係秘密。」問到《尋秦記》何時正式開拍？他說：「好快！」會開機。再講到開拍《風雲》，他稱會有新角色加入。（但之前鄭伊健同郭富城演「聶風」同「步驚雲」好深入民心，會唔會搵佢哋再演？）古仔說：「未知，要記者會開先可以公布啦。」