劉頌鵬擔任金像獎主持　開心到瞓唔着

藝人劉頌鵬今年有份成為金像獎卅二位主持之一，並且有上台表演，他直言第一次收到大會通知的電話，真的無法相信自己有此機會，他直言當晚開心到瞓唔着，第二朝起身都以為係發夢。<br/><br/>經過綵排一個月，終於順利演出，劉頌鵬當然感到十分開心，他還笑言：「阿媽話，有親友打電話嚟問『咦？金像獎頒獎禮見到你個仔鵬鵬喎，點解嘅？佢做Dancer咩？』，我阿媽今次好自豪神回，話『我個仔鵬鵬係電影演員嚟㗎，金像獎係盛事，我個仔當然要出力啦！』」能夠令到媽咪感到開心，劉頌鵬當然更開心，他坦言會繼續努力，希望可以做更多成績畀媽咪睇。