做夫妻擦出火花!陳錦鴻同鄧萃雯學嘢

2019年04月23日 15:41
東網電視
更多新聞短片
陳錦鴻同鄧萃雯做夫妻。

藝人陳錦鴻、鄧萃雯(雯女)合作拍攝ViuTV新劇《婚內情》,在劇中兩人飾演一對夫妻,雖然兩人拍過不少劇集,但原來從未合作過,陳錦鴻直言很期待與對方擦出火花:「我覺得有趣囉,因為每個對手都係特別的,都有不同之處,雯女咁多人鍾意,證明佢係一個好有優點的演員,希望喺佢身上學嘢。」

鄧萃雯亦表示在《婚》劇中,雖然與所有對手均是第一次合作,但與陳錦鴻碰面即雞啄唔斷:「錦鴻係一個好健談嘅人,所以講咩話題都傾到,加上製作團隊都好熟,所以好容易融合。」二人多年後再拍香港劇集,均對於用廣東話講對白感親切,陳錦鴻說:「其實今次開工,都係見番以前班人、舊同事,全部人都識咗廿幾年,除咗親切之外仲好似返番後生嗰陣時。」鄧萃雯亦表示:「覺得好親切,呢幾年都係內地拍劇,冇乜機會用廣東話做對手戲,所以五年來第一次成場戲用廣東話,真係好懷念。」

陳錦鴻飾演的孫逸是一位擅長撰寫愛情小說及兩性關係的作家。雖然他本人於現實中亦曾出書,但寫作題材就有所不同:「我就唔會寫愛情小說、夫妻關係個類書,因為我驚我太太唔開心!兩個人相處一定有好壞,如果你講出嚟就要解決佢,唔提就可以由佢。我梗係覺得老婆好先一齊,但如果寫書你要好理性分析佢,咁會影響夫妻關係㗎!」