樓盤騷單拖行貓步　林孜沫被零距離追拍

亞姐季軍林孜沫（Momo）到內地出席樓盤活動，擔任剪綵嘉賓外還要表演Catwalk，心情仲緊張過去年參選亞姐比賽：「當時亞姐行Show大家會Focus十幾個女仔，但今次成個Event都係以我行為主，亦係活動核心嘅環節。Focus就變成得我一個，尤其好多觀眾專程為睇我行Show而嚟，所以就特別緊張。」

Momo行Catwalk前都有下過苦功，對於內地觀眾的熱情感到好開心：「主辦單位準備咗好靚嘅服裝畀我，好似維密騷（Victoria's Secret）咁隆重，令到我好驚喜！同埋舞台同觀眾距離好近，差唔多零距離，喺T台最前方擺甫士嘅時候，好似成百部手機喺眼前咁。」