搵車保羅攞料　陳安立視秋官為師父

藝人陳安立（Brian）參演ViuTV劇集《詭探前傳》，該劇將於下星期出街，拍攝前Brian被公司要求減磅，就連開工期間亦唔敢食飯盒。

故事與上輯有關連，之前《詭探》由藝人車保羅飾演「八爺」一角，今次Brian飾演他的年輕版，為求表演完美，佢仲專誠向對方求教：「拍之前我都特登搵咗車保羅飲茶做定功課，原來我同車保羅真係一樣咁高，佢亦都係一個好幽默好肯教後輩嘅前輩。」

對於能與鄭少秋（秋官）合作，Brian說：「同睇《楚留香》一樣，秋官真人都好似大俠咁有型。今次係做佢徒弟『八仔』，秋官戲裏戲外都係慈父，好錫我哋三個徒弟，夏天外景拍攝炎熱又送我哋一人一個電風扇，又好肯分享以前拍戲嘅故仔畀我哋聽，所以我依家見到佢都會叫佢做師父。」