陳山聰伍允龍為操鋼條身形鬥唔飲水

藝人陳山聰、陳展鵬和伍允龍赤膊上陣為劇集《唐人街》拍攝擂台打鬥戲，大騷肌肉。其中以伍允龍的身形最弗，伍允龍表示甫開劇便為這場戲作準備，已有幾天沒有飲水以助脫水，笑言拍畢這幕要食碗叉燒飯，問會否繼續保持這個身形？他說：「唔會！我之後嘅運動就係打機。」

山聰稱也有兩日沒飲水，前天跟伍允龍在沙灘拍攝時尤其辛苦，兩能不能喝水，只能不停漱口：「我哋會有八人混戰，最後我會同展鵬對打。拍完我要食番個菠蘿油。都想繼續keep住呢個身形，但都會放縱吓。（有冇打到受傷？）少少瘀實有。」至於剛榮升人父的展鵬自言也有操弗身形，問他會否因爲湊B而較少時間操練？他坦言：「當然啦！盡力而為。我有五日打戲。我之前都有試過用佢哋嘅方法去操，但唔得，因為冇脂肪會好凍，而且我日日要拍，咁做會暈。」