爆陳凱琳覺得尿片香!鄭嘉穎為湊仔推內地劇

2019年05月26日 16:10
東網電視
更多新聞短片
鄭嘉穎大爆陳凱琳好有興趣換尿片,因為唔覺得臭!

藝人鄭嘉穎在柴灣出席奶粉活動,司儀則由楊洛婷擔任。在台上笑謂終於「升呢」可以出席親子活動,他笑說:「以住呢啲都係阿mo(陳豪)做。」剛為兒子鄭承悦舉行百日宴的他,分享結婚及做爸爸後的心態轉變:「未結婚之前係自我中心,結婚後有個家以家庭為先,依家就老婆都退後啲,以小朋友為先。」他又笑指現在全職湊仔,離開香港太耐的工作也暫時不敢接,因怕兒子會不認得他,每朝起床第一件事就走去看BB,因兒子樣貌每日也在變。楊洛婷笑問鄭嘉穎會否培養兒子做亞洲網球王子?他笑說:「係世界(網球王子)!睇吓佢將來鍾意咩啦。」

「好幸運依家有得揀」

講到出席活動賺奶粉錢,鄭嘉穎笑說:「我都未做過呢類活動,真係要多謝個仔。依家做嘢短程就OK,如果要離開三四個月就暫時唔諗,都推咗啲內地劇,自己都覺得好幸運依家有得揀,如果十年前就冇得揀。」他又透露與老婆陳凱琳分工湊仔,他笑謂太太好有興趣換尿片,因她覺得好香,不覺得臭,而他專長負責餵奶及掃風。

太太始終係最愛

問到鄭嘉穎指太太的位置退後了會不會激嬲太太?他笑說:「唔會,大家都明白,因為個仔依家係最需要人照顧嘅成員,再有第二個,佢仲有得退後,不過等太太抖吓先啦!不過,補番鑊先!太太始終都係最愛,因為仔女長大後會離開我哋,最後喺身邊嘅都係太太,所以太太先係最愛。」