林夏薇重出江湖!簽約邵氏出山演Madam

2019年05月27日 00:00
東網電視
更多新聞短片
抖咗大半年,薇薇終於「復出」喇!

人妻林夏薇去年離巢無綫,轉戰商界兼調理身體生B,惟期間不斷收到演出邀請,令她戲癮再起,早前秘密與邵氏簽了經理人合約,下月將參與無綫網劇,正式宣布「復出」。薇薇揚言拍劇不會影響生B計劃,老公莫贊生十分支持。

去年7月,林夏薇宣布離開娘家無綫,期間除了繼續打理食肆生意,又當跟得夫人陪老公莫贊生四圍飛,閒時夫婦二人周遊列國,生活相當寫意,曾多次表示要為夫家繼後香燈的她,亦乖乖睇中醫調理身體。

努力操弗練體魄

不過據知薇薇仍醉心演戲,加上「息影」期間不斷收到演出邀請,令她心癢癢想「復出」,而愛妻心切的老公見狀也大表支持,令薇薇倍添信心出山。早前她與邵氏簽約成旗下藝人,並安排了一系列工作,頭炮將會是下月開拍的無綫網劇《機動部隊2019》第二輯,劇中將夥拍方力申與王合喜,飾演女警的她近日已勤力做Gym鍛煉體魄。

該劇監製李志倫受訪時,被問到為何揀外表弱質纖纖的薇薇演女警?他說:「希望拍到佢着住制服好有型咁,就好似當年楊千嬅演《新紮師妹》都有人懷疑過,但出嚟效果又OK!(拍劇阻住佢生仔喎!)唔係拍好耐啫,一個月左右時間,拍完先至生囉!」

劇照拍 身體照調理

而闊別公仔箱大半年的薇薇,被問到是否為演戲延期生B?她笑說:「唔係,其實一直都有好多劇向我招手,搞到我有戲癮囉!(唔驚拍拍吓有咗?)老公好支持我,之前希望放時間喺屋企,同埋跟佢學做生意,其實都冇話過息影嘅,只要分配到時間就得,身體照樣調理,冇影響。(唔做少奶奶?)新公司畀好大自由度,多方面配合到我,所以冇問題嘅。」