東網電視
更多新聞短片
《詭》劇有機會開第二部曲！
1/12
由鄭少秋、陶大宇、麥子樂和郭偉亮（Eric）等主演的ViuTV劇集《詭探前傳》正在熱播，眾演員日前出席飯局宣傳劇集。秋官因事缺席，大宇即成為焦點，一眾新人紛紛請他賜教，子樂笑說：「開第二部曲就大把機會學嘢，等吓啦你哋！」
新演員沈殷怡（Shirley）和陳郁憲（Donovan）都有出席飯局，對於子樂表示《詭》劇有機會開第二部曲，他們興奮不已。《詭》劇反應理想，大宇等希望監製可以召集演員齊人睇結局，又希望劇集添食會「加時」拍成每集一小時：「尾10集監製話效果會好爆，希望有好成績！（收視如何？）以我所知係好好，尤其網上好多人睇！其實好多人反映我知，每集半個鐘太短，我諗Viu既然開新陣，不妨順應民意加長時間！」
陳郁憲超激施暴
Shirley演秋官細女，劇集後段會與大宇的手下陳郁憲有超激施暴戲份，問到可有尷尬？她說：「陳郁憲好好，帶我入戲，有恐怖感覺！」Donovan尾段將有出人意表的情節，大宇說：「我都要讚吓佢，佢好投入，投入到開工時冇睬過我！而Shirley就講對白好清楚，值得一讚！」
郭偉亮麥子樂死守角色
至於子樂和Eric期待《詭》劇第二部曲，問到新角色可會大轉移？劇中演警察的Eric笑說：「其實大宇個黑社會大佬幾好玩，不過我都係適合演番差人角色，我好鍾意，發揮空間大，因為可以接觸好多古怪案件，形同外國《X-File》！」子樂則只想演原本的角色「張漢忠」：「其實呢兩集仲未解釋到佢點解變質，所以仲有好大空間發揮！」
大宇（中）話知道收視好好，尤其喺網上好多人睇！
大宇話聽到好多人話半個鐘一集太短，希望開二部曲時可以考慮加到去一個鐘一集。
大宇大讚Donovan演得投入。
麥子樂就想演原本嘅角色「張漢忠」。
最尾嗰十集仲話會好爆。
Shirley喺劇中飾演秋官細女。
而Shirley就講對白好清楚。
左起：麥子樂、陶大宇、郭偉亮、陳郁憲及沈殷怡
招牌動作唔少得。
Donovan同Shirley有一場超激施暴戲。
如果有二部曲，Eric就想繼續演警察。
