唔使男友打本!蔚雨芯合資百萬搞女人生意

2019年06月14日 23:19
東網電視
更多新聞短片
蔚雨芯同小學同學合資近百萬搞美容生意。

25歲「魔鬼胸女神」蔚雨芯(Rainky)第一次創業,與小學同學合資近百萬元成立美容品牌生意,她興奮地說:「過去呢兩個幾月真係好忙,因為要親力親為,試過一日開十幾個會。」

自己做生招牌

Rainky的美容品牌目前以網店形式運作,不排除半年後開實體店,並透露成功取得由台灣研製的「收陰丸」保健品香港總代理,目標在三個月內做到過百萬的營業額。她更落手落腳為品牌拍攝宣傳照,並笑說:「我冇收錢,仲係自己攞錢出嚟做生意兼做埋代言。」盛傳她與馬來西亞「超級富二代」拍拖,她一直以「好朋友」相稱,問到好朋友可有給她打本?她說:「冇!一定唔會,我哋經濟獨立。(你有冇請教佢生意之道?)美容嘅嘢佢識條鐵咩!」不過她鼓勵男性可以買保健品當情人節禮物:「作為男性都想女友、老婆好,保護佢哋嘅子宮健康。」

期待三喜臨門

她形容今次創業就像自己的第一個BB,即使最愛的娛樂事業都暫且放埋一邊:「有兩間公司搵我,但呢排我想專注搞咗生意先,遲啲先決定,我又接咗個美容嘅代言廣告,我都好想三喜臨門一次過同大家公布。」她笑言藝人跟做生意是兩個不同身份:「依家有返工感覺,好多時開會都素顏,畀人覺得自己專業啲,但演員就無時無刻會上身,除咗做好角色,平日出街都會檢點言行。」



---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。