成立9年終派歌！The Black Sheepee堅守初心

新進女子組合The Black Sheepee，今日帶同第一首派台歌《黑羊物語》上電台宣傳，並解釋為何組合叫「黑羊」：「可以喺白羊群中搵到自己嘅獨特地方，而且羊嘅形狀似雲，可以畀我哋發白日夢、表達創意。呢首新歌係我哋嘅主題曲，同時想宣揚一個訊息，就係唔好隨波逐流，做番自己先夠獨特，珍惜自己鍾意做嘅事，唔好覺得同人哋唔同會奇怪，而更加要表揚自己嘅唔同。」

組合成立於2010年，9年後終推出派台歌，兩女心情既緊張又興奮：「機緣巧合之下終於有自己作品，同大家分享，之後會再有兩首歌派台，希望年尾可以舉行到EP發布會。（作為獨立組合，資金上會唔會有壓力？）都明白嘅，但好感謝有多方面嘅人支持我哋，始終如果得我哋兩個人做係好難成事。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。