秘撻王菀之已婚叔仔?祖兒:我係Single!

2019年08月26日 13:37
東網電視
更多新聞短片
有傳容祖兒同貌似梁競徽嘅已婚男士,亦即係王菀之叔仔嘅Gavin So拍拖!

樂壇天后容祖兒早前在演唱會上被擔任嘉賓的好姊妹蔡卓妍和鍾欣潼爆好多人追,而祖兒在個唱慶功宴上,亦直言不乏追求者。今日有傳祖兒和貌似梁競徽的已婚男士,亦即是王菀之叔仔的Gavin So拍拖!任職連鎖食店高層的Gavin和女星特別有緣,早前有讀者爆料指他和甩拖的湯怡着情侶波鞋去行山,因此傳出緋聞,但湯怡和Gavin均否認。

而39歲的祖兒被指暗撻Gavin,兩人低調約會,到中環商業大廈食二人浪漫餐,還歎足三個鐘,食飽飽後同車離開。更傳出七月中時,兩人曾出發到東京旅行玩足4日3夜,並前後腳返港掩人耳目,又指祖兒在紅館開騷期間,Gavin晚晚到後台支持祖兒。

Gavin接受電話訪問時表現有禮,連聲否認緋聞:「冇呀,冇呀,冇同祖兒拍拖亦都冇去日本旅行呢件事。(一個人去日本?)呢啲唔答啦。(咁食飯呢?)同朋友普通食飯啫,做我(即指作新聞)。」再問他為已婚人士,可擔心緋聞影響家人?他又說:「呢啲唔答啦。」

而祖兒回應指剛一起身就嚇親:「Gavin是我其中一個兄弟,真係唔好意思又拖咗另外一位兄弟落水,我們都是一班朋友一齊玩的,我哋絕對冇發展嘅機會,知道大家對我嘅感情未有着落都好緊張,但我有好消息一定會告訴大家的,正如我演唱會所講,我現在係single,絕對開放歡迎大家有好嘢介紹畀我!」

---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。