有苦衷?張鈞甯為呢個人唔認愛邱澤

2019年09月27日 06:30
東網電視
更多新聞短片
手心係肉,手背都係肉……
台灣女星張鈞甯被發現去咗邱澤屋企短敍,加上男方公開講「努力追求中」,所以就傳出佢哋拍拖嘅消息,點知轉頭女方就話「感謝抬愛」,推翻佢哋拍拖嘅傳聞,不過原來仲有內情,張鈞甯咁講都係有迫不得已嘅原因!
據張鈞甯身邊嘅知情人士透露,佢同媽咪嘅感情好好,每次有乜重大決定要做時,都會事前同媽咪商量,呢次出現男女雙方唔同步回應嘅情況。相信係邱澤仲未過到外母呢一關,所以張鈞甯先會出「唔認」呢一招,用拖字訣爭取時間,諗辦法令到媽咪可以接受邱澤。而邱澤經理人就指唔覺對方嘅回應係「打臉」:「我真的不覺得鈞甯要打阿澤臉,她是個正向而有禮貌的孩子,我的解讀是正向,謝謝。」
另外,唔知係咪時差問題,正身在巴黎參加時裝周的張鈞甯終於現身親口解答近日嘅緋聞,不過佢談及嘅係佢同另一緋聞男友、大陸男星張翰結婚嘅傳聞,直言:「那個名字不是對象,我不是被傳喜訊要結婚了?我沒有要結婚。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。