「妹妹G」報到！吳雨霏自嘲乳牛宣布誕女

現年33歲嘅歌手吳雨霏（Kary）今日宣布為老公洪立熙誕下第二胎囡囡Galilee！佢喺社交網晒出一張抱住囡囡嘅合照，並留言代囡囡向大家打招呼：「Hello world, my name is GALILEE!『妹妹G』來報到了！」

佢又分享指今次比起生第一胎囝囝Asher更痛，透露現時已回家休養：「生產過程比上一次快，比上一次更痛，但看到妹妹肥嘟嘟健康壯健，都忘了甚麼是痛，感謝主，因為太想念Asher的關係，住了兩天院就回家了，再一次謝謝我的醫生和醫院護士們的悉心照顧，抱歉不能一一回覆所有短訊，非常謝謝大家的祝福，我又回去做乳牛的生活了。」圈中好友包括連詩雅及張繼聰等亦紛紛送上恭喜。

兩兄妹餅印一樣

Kary接受東網訪問說：「我同Brian都好開心，Asher都開始知道屋企有個妹妹，對妹妹都好溫柔。妹妹同哥哥剛出世時候個樣餅印一樣。我今次係醫院休息咗兩日就返屋企，因為我真係好掛住仔仔，佢出世到依家我都冇離開過佢多過一日。同埋我都康復得好好，一切都好順利！多謝大家祝福！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。