好消息！漫威索尼傾掂數合作《蜘蛛俠3》

早前爆出漫威同索尼談判破裂嘅消息，導致《蜘蛛俠》電影系列唔會再喺漫威電影宇宙（MCU）出現，亦即唔會再同「復仇者聯盟」嘅成員有任何互動，粉絲們聽到之後真係心都碎埋！

不過世事無絕對，啱啱就傳出有轉機，據知漫威同索尼達成協議，佢哋會共同製作《蜘蛛俠3》，主角仍然係Tom Holland，上映日期暫定2021年7月16日。漫威總裁Kevin Feige證實消息表示：「好開心蜘蛛俠喺MCU嘅旅程將會繼續，我同漫威所有人都為我哋嘅努力感到興奮，蜘蛛俠係唯一一個影業跨界合作嘅超級英雄，隨住索尼開發蜘蛛俠宇宙，你永遠唔會知道將來會有乜嘢新驚喜。」言語間透露「蜘蛛俠」將會存在於MCU同埋蜘蛛俠嘅宇宙入面。

據稱索尼終於肯接受迪士尼的條件，讓迪士尼/漫威在第三集投資25%，並擁有25%股權。而蜘蛛俠亦會再參與另一部漫威電影。早前曾傳出迪士尼本來要求投資50%，讓索尼難以接受，現在可謂一個策略性讓步。新的合約，更有可能在漫威電影世界加入索尼製作、由Tom Hardy飾演的「毒魔」。

Tom得悉喜訊，立刻在社交網站instagram上載《華爾街狼人》（Wolf of Wall Street）中里奧勒度狄卡比奧（Leonardo DiCaprio）說：「我唔會離開……我唔X會離開！」的片段慶祝。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。