分手情侶各有各傷　李晨慘豬坐輪椅要人扶

內地藝人李晨與范冰冰分手後，兩人一直都保持低調，雖然未有特別交集不過原來二人嘅生活都齊齊黑仔，好似冰冰佢尋日就畀國際知名嘅大品牌「除名」，明明有Job但因為網友反對呼聲太高，品牌突然刪除晒所有范冰冰嘅相，合作隨時凍過水。咁冰冰荷包大傷已經夠慘，而李晨直頭真係受傷，仲要以輪椅代步！<br/><br/>有網友指喺克羅地亞偶遇李晨、鍾漢良及郭麒麟錄製節目，當中着上粉色上衣配黑色褲嘅李晨因肌肉拉傷，搞到要坐輪椅出入，而鍾漢良同郭麒麟就喺身邊照顧出行不便嘅李晨，見佢落樓梯嘅時候十分小心翼翼，鍾漢良同郭麒麟就幫忙拎輪椅。另外李晨又喺微博上載新相，指自己日前獲邀出席蒙特卡洛一個環保晚宴，見佢西裝骨骨行得走得，又去參觀摩納哥海洋館，睇嚟對腳應該好番好多喇…<br/><br/><br/>---------------<br/>立即參加「賞您睇」： https://tinyurl.com/y2e6pmwk <br/>Click下面粒掣，儲on.cc coins！機票、家電、超市禮券、過萬份獎品等緊你。