出新歌歷盡萬難　孫慧雪喊咗出嚟

藝人孫慧雪到電台接受訪問，談及製作其第二首派台歌《幸福的錯覺》及MV時經歷千辛萬苦，除負責混音的工作人員入院，MV導演又突然失蹤及甩底，歌曲要延期推出外，到拍MV時依然問題多多：「我哋租嗰間屋嘅鄰居，好唔鍾意人哋拍嘢，佢哋成晚?住我哋有冇開大光燈，啲音樂又要細細聲，一晚拍門六、七次，搞到好大壓力。」拍完MV後，一心等新歌派台時又發現涉及版權問題，她說：「嗰刻我真係喊咗出嚟，覺得首歌係咪要放棄。」不過看見歌曲在萬難下面世，她才發覺：「努力爭取先有幸福感覺。」談及其兩歲囝囝的入學問題，指現時和老公爭住接兒子放學，因為囝囝好抗拒返學：「由最初入學校門口先喊，發展到佢起身返學都喊，好在維持咗兩個禮拜就改善咗。」<br/><br/>---------------<br/>立即參加「賞您睇」： https://tinyurl.com/y2e6pmwk <br/>Click下面粒掣，儲on.cc coins！機票、家電、超市禮券、過萬份獎品等緊你。