陳瀅剪走長髮　捐畀有需要小朋友

藝人陳瀅事業得意，劇集工作浪接浪，剛完成《愛美麗狂想曲》拍攝工作的她，隨即投入另一新劇《伙記辦大事》的演出，而為配合今次角色造型，靚女要將一頭長秀髮狠狠剪掉，日前她便抽空到經常光顧的髮型屋「落髮」。為紀念這個重要時刻，陳瀅更帶同攝影師拍片，她操「第一刀」，將束起的十多吋長髮剪掉，然後再交由髮型師收尾，難得她全程面帶笑容，事後將短片上載到社交網分享，就連緋聞男友陳家樂亦「爭住畀like」！

談到今次「為藝術犧牲」，她受訪表示﹕「咁大個女從未試過咁短頭髮，但又冇話唔捨得嘅，反而覺得有新鮮感。剪咗出嚟嗰束長髮，我捐咗畀有需要嘅小朋友。短髮都有好處，我會成日洗頭，唔使再好似以前咁，畀人投訴唔鍾意洗頭喇！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。