東網電視
更多新聞短片
糖兄妹明年成立10周年。
1/2
組合糖兄妹出席新城電台訪問，兩人透露踏入2020年糖兄妹組成10周年，而今年他們做的3首歌將製成EP在明年1月推出，感謝公司投放不少資源，除3首歌都在日本拍MV，EP碟更特製限量版「糖果罐」來作為糖兄妹及Fans的10周年的紀念品。
講到10年的轉變，糖妹說：「因為我都有電視節目中出現，觀眾可以話一路睇住我大，反而糖兄會少見啲。」糖兄笑言：「體形變大咗啦，而最難拿捏係要畀大家覺得我係大個咗，好彩今次3步曲，呢3首歌係由輕快到慢歌，有種慢慢推進成長嘅感覺。」
而糖妹表示有段時間可能未接受到糖兄妹的音樂，在5年前大家決定停下來各自發展自己工作先，到現在5年後糖兄妹再走在一齊做音樂，有令人期待的感覺。糖兄謂：「可能喺呢5年間，有唔少歌手樂隊已離開，但我哋糖兄妹就仲喺度，代表着一種信念不會退。」
糖兄妹將會推出3首歌，EP碟更會用特製限量版「糖果罐」裝住。
