陳潔玲先係小三？陳庭欣男友被爆陷四角戀

前港姐陳庭欣（Toby）與商人男友楊振源（Benny）拍拖以來感情穩定，但日前有爆料指Benny與一名女子關係曖昧，還指Toby係「傻港姐」。事後Toby指會同男友傾吓點樣處理呢件事，令三人關係變得複雜。未幾，Benny在社交網上與友人到了北海道二世古滑雪照，但未見陳庭欣蹤影。今日有消息指，原定陳庭欣都一同前往，但出發前卻與男友嘈交最終未有同行。

此外，有傳Benny在圓方有兩個單位，一個給陳庭欣入住，另一個則作私人用途，而陳庭欣一向知男友異性緣旺，加上多次迫婚不果，但都死忍。今日再有消息傳出有「翻版陳妍希」之稱、同為參加港姐出身的藝人陳潔玲亦捲入三人關係當中，令四人關係變得更為複雜，有指陳潔玲相當進取，不時到Benny開的健身院打躉宣示主權。

陳庭欣沒有正面回應

陳庭欣對於有指其男友Benny風流帳水蛇春咁長，早前被貼街招的阿Yu只是「小四」，原來還有「小三」陳潔玲，她冇正面回應，只對有指她想釣金龜以及Benny去旅行前跟她吵大鑊回應：「睇幾句已經有錯誤，每次都係媒體寫我或催我結婚，甚至話我已婚，但事實係冇。第二旅行前一直平靜，冇任何吵架。所以其他內文都唔想回應啦，謝謝。」其後庭欣被問到是否信任男友？她終「突破性」表示相信對方，又解釋自己要開工，因此近日未能陪對方旅行：「依兩個月一早度咗期要拍戲，仲要做《東張西望》。」

陳潔玲自認係筍盤

陳潔玲受訪時否認是小三，表示跟陳庭欣及Benny都認識， 跟男方見面都是一大班朋友聚會，沒有試過單獨約會：「我係筍盤，唔使搶人嘢，每日都是努力踏實地過好自己的人生，一般男女感情瓜葛，我唔係當事人，冇任何意見和看法。（覺唔覺得佢追你？）我覺得唔係，總之只係朋友，我唔會做呢啲嘢摧毀自己事業。」她又否認上陳庭欣開設的健身中心是「踩場」：「係庭欣叫我上去做gym㗎！我畀面佢上過幾次，其實仲有好多朋友都有去。（再見面會唔會尷尬？）唔會！因為我真係唔係小三，有時做gym見到大家都有傾偈。」她又表示現在香港社會問題嚴重，語帶相關暗示不用理會有人釣金龜的新聞：「不要浪費時間炸作新聞，女明星吊金龜同爭仔，who fxxking care！有時間唔該關心多啲呢個社會，同請做多有意義嘅嘢。」