阿爸係詠春聯盟主席　麥皓兒竟然唔識功夫

藝人麥皓兒（Joey）近日為支持任國際詠春聯盟主席的爸爸，不但於會慶活動上化身司儀及表演嘉賓，更兼任幕後活動策劃，幫輕爸爸之餘，亦為推廣武術文化出一分力。Joey透露今次活動聚集一班商政界名人，及各門各派的功夫師傅，故她亦有趁機打好關係好讓日後「偷師」：「自己都好想試吓拍打戲，亦想學吓功夫強身健體，第時除咗爸爸之外，亦可以跟唔同嘅師傅學吓嘢。（以前有跟爸爸學武？）我冇乜功夫底子，不過試過拍一部動作喜劇電影，爸爸特登嚟幫手做我嘅武術指導，教咗我唔少動作同步法。」

一直教開小朋友唱歌的Joey，續指在活動上帶同學生上台表演，一同跳唱大熱英文歌《Let it go》，又指受活動啟發，未來有意將武術融入表演之中。至於講到男友丘梓謙亦有到場支持，她就表示男友接觸打戲的機會較多，可向其爸爸請教功夫。