必撐恩師場 譚偉權攞男演員獎都係靠佢

2020年01月21日 06:30
東網電視
更多新聞短片
飲水思源。
舞台劇演員譚偉權(Gary)剛同郭晉安拍完無綫新劇《失憶24小時》,日前就參與導演張之珏的慈善音樂夜演出,畢業於演藝學院的他當年亦是張老師的學生,更獲欽點提攜演出,他說:「佢畀咗機會,當年我第一套舞台劇《少年十五二十時》男主角都係張Sir搵我做。」他坦言在老師身上學到好多嘢:「佢教識我做喜劇技巧,我記得佢講過作為一個正劇演員,你可以做正劇,但未必做到喜劇,但作為喜劇演員出身嘅,可以做到正劇嘅嚴肅。」
畢業時他亦憑張Sir搵他做的另一齣舞台劇,贏得男演員獎,他說:「畢業後我加入咗話劇團,而佢有段時間離開咗香港,去咗新西蘭,但我哋一直有保持聯絡,佢返嚟香港搵我做過兩套舞台劇,其中一部就係同惠英紅合作嘅《玻璃動物園》。」他好感恩老師對他的提攜,所以知道老師搞慈善音樂夜,他即刻答應演出,他說:「我祝老師身體健康、開開心心,做更多好嘅演出。」