《傷感雨天》紅遍天！方麗盈拍《愛．回家》

80年代憑《傷感雨天》令歌迷認識的歌手方麗盈有份為抗疫歌錄音，她稱現仍是職業歌手，不時都有登台演唱。講到面對疫情工作可受影響？她承認有影響：「私人派對都有取消情況，但有啲熟嘅客戶仍然都有搵嘅，因為除唱歌、都有做司儀工作及製作方面，亦有做特約演員，喺幕前演出，最近一次就係拍無綫《愛．回家之開心速遞》。另外都有幫平機會拍過短片，但就未知會否公開播。」

講到錄抗疫歌，一班錄音的藝人都要向她請教歌藝？她笑言：「唔好咁講，係我歌齡比較耐啫，十幾歲就開始唱歌，有少少心得，多人一齊錄就統一番啲拍子，因為唔單子香港呢邊藝人幫手錄同拍MV，喺加拿大嗰邊亦有藝人會一齊錄，到時需要將佢併合埋一齊咁出。」