【人在洛城恐懼時】劉晨芝買槍傍身

20200320
東網電視
更多新聞短片
劉晨芝人在LA都好擔心人身安全!
藝人劉晨芝認真當黑,原本接拍荷里活大片,但因劇組一臨時演員確診新冠肺炎而暫停,荷里活夢延期,在LA又擔心人身安全,她說:「啲人講買槍講咗好耐,其實唔單止華人買槍,呢邊人都有買,我家人都買咗一支手槍自衞,想買多支都冇。」
她批評特朗普言論惹恐慌:「啲人好驚引起仇華,買定係保障自己!(佢言論離譜?)直頭離譜、過分,好嬲,佢令到我哋住喺美國嘅華人覺得驚,會畀人種族歧視,可能有危險,人身安全問題,依家都唔敢一個人出街。」
至於她原有份參與的名導馬田史高西斯的新片《The Card Counter》,她說:「我嗰日啱返到美國,就收到電話通知有人確診,叫我唔使去片場,要延遲拍,好彩我未去片場,如果唔係我都要強制隔離,部戲仲有五日就煞科,本來呢五日我有份拍。(會唔會擔心無咗戲份?)唔擔心,都簽晒合約,有信心繼續拍嘅!」