第一代電視小生梁天病逝 享年87歲

20200322
東網電視
更多新聞短片
第一代電視小生梁天病逝,享年87歲
第一代電視小生梁天,近年患有嚴重腦退化,今天下午二時多於醫院病逝,享年87歲。
前藝人張鍾麗裳(原名鍾叮噹)近十年經常跟梁天聯絡並一起做義工,她指收到梁天姨甥的通知,才知道這個噩耗,她說:「佢姨甥打畀我話天哥下午兩點半喺醫院走咗!(咩病過身?)我就冇問,但知佢走得好安詳,好舒服,所以都感恩!」對於梁天病逝,鍾叮噹表示難過和可惜:「佢係一位值得人尊敬嘅人,佢不爭名不爭利,又有善心,我哋一齊做義工有十年,佢係我義工舞台上嘅好拍檔!只係近年佢冇乜記性,但上到台唱歌佢又會記得歌詞喎,依家冇咗個拍檔會覺得可惜囉。(可會幫手處理其後事?)我有同佢姨甥講,有需要我可以幫手。」
前亞視藝人陳維英表原:「好難過,身邊好朋友一個個輪住走,依家因為疫情已經心情唔好,天哥今次離去,希望佢安息。(知佢咩病過身?)唔知,但都唔方便打擾佢家人,相信佢哋都好忙!」對於梁天的為人,陳維英大讚對方:「佢人好好,舊年成班朋友去咗佢屋企聚會,雖然當時天哥都講唔出每個人嘅名,但一樣對我哋好熱情,精神都好好!」
曾經與梁天是舞台上拍檔的劉兆銘亦感到可惜:「他可說是亦師亦友的一位好導演,更是一位話劇演員表表者。他每在台上演出的角色非常立體到位,是我的學習好榜樣。今時編導界前輩又多一位仙遊去了,令我深深感慨與懷念,銘敬。」汪明荃大感愕然:「我都唔知佢過身,希望佢好走!我哋早年都好多合作,有《民間傳奇》,而1974年《永恒的春天》中,佢係做我爸爸,演戲好有戲味,印象中佢咩角色都演得好好,後期仲做導演又搞劇本,係一個好叻嘅人!」
藝進同學會會長甄懋強受訪時表示:「我哋有個群組,話今朝送佢入伊利沙伯醫院,入咗去唔係好耐,醫生已經行返出嚟話唔得,出殯詳情亦未知。」