曾志偉做佛系馬主　孖Hilary富三代男友拉頭馬

藝人曾志偉今日現身馬場，同場還有「最索星二代」之稱的上山詩鈉女兒Hilary，因為今屆打吡大賽，志偉同Hilary的富三代男友施仲樂都有份嘅「莫浪求」都有出賽，仲憑着強勁的衝刺贏出，志偉、Hilary興奮地一齊拉頭馬。

馬主團體成員曾志偉表示多謝練馬師部署，與「莫浪求」同父系的馬也養過，也是需要跑兩三場才成熟，今日終於可交出好表現，騎師郭能亦發揮得好好，依足策騎指示，終點僅僅贏到，更加開心，這場有運，雖然名下另一駒「超級綠洲」打吡贏唔到，但補中都好開心。同時，志偉亦多謝馬會，在這個疫情階段帶給我們市民精神寄託，有得在家刨馬，小小地玩吓，日子都容易過。提到馬名是佛經說話，他說意思不要太多奢求，踏實一點，人生好像浪有高有低，跑馬亦都一樣，有贏有輸，不要太強求。