法國餐廳結業　黃祥興轉做網購殺出新商機

藝人黃祥興經營法國餐廳十年，兩個月前再做爸爸的他，現時擁有兩子一女，為了有更多時間陪伴小朋友，早前忍痛結束餐廳生意。不過曾於社交網曾揚言會轉攻中餐的他，果然有生意頭腦，現時還跟朋友搞鮑參海味食物包及牛扒凍肉等生意，祥興更做埋網紅，之前與女兒Paige齊齊拍片教法文之餘，現時更教埋點樣宅在家都可以有足料、方便的鮑參海味吃，望殺出一條商機，祥興受訪時坦言：「因為始終短片網站平台可以放較長的片，亦可以畀更多人知道我依家做緊乜。」

說到現時做食物生意，他坦言以前做餐廳，都有很多朋友託他攞一些牛扒、羊扒靚貨，現時他開公司，專做網上購物，主要針對食物，亦有中式即食食物品、健康湯包或打邊爐湯底等。

祥興坦言現時短片網站上的片都是自己一手包辦，而從事教育的妹妹亦有幫他做效果，問到是否可吸引廣告商落廣告賺錢時？祥興謂：「係可以嘅，但一步一步嚟，要有好多嘅followers先。」