東網電視
更多新聞短片
Hana真係好唔小心！
1/2
「星夢一姐」菊梓喬（Hana）早前分別於香港及台灣拍攝MV，尋晚就喺社交網撰文講吓自己嘅工作近況，話5月就有新歌出街，滿心歡迎宣布「BB」就出世！
不過有時手多多真係會瀨嘢！佢竟無啦啦Hashtag「跨國拍攝」、「台灣香港」呢兩組敏感字眼，立即引網民議論紛紛。Hana知道自己手民之誤，火速Del咗「跨國拍攝」及「台灣香港」，免得落人口實，不過唔少網友已「幫」佢截圖，真係有「心」。
星夢CEO何哲圖接受東網訪問時，佢話：「其實Hana都係講番喺香港及台灣拍MV，係話拍攝嘅工作地點，佢一時寫錯咗啫，又唔係講得咁清楚啫，都立即更正番，希望大家唔好誤會。」
網友立即幫佢截圖！
