樂壇新人泫希夠樂天　一首歌出三語版本

現年22歲的林芷彤以藝名「泫希」闖樂壇做女新人，問到藝名是否參考韓國性感女神泫雅？她指是公司特意搵師傅改，「泫」有朝早霧水意思，希望保持初心；「希」則代表希望能用自創歌感染他人生命。首支派台歌《Take Care》有三個版本，分別為廣東話、國語及英文：「比較擅長國語同英文歌，唱廣東話歌咬字有待改進。」

講到出道之年就受新冠肺炎影響，她樂天反指是適合時段出歌：「好多人用電話聽歌，自己都Keep住創作，希望疫情快啲過。（屋企人支持你入行？）支持，雖然我喺澳洲讀建築返嚟，做歌手又唔易，只係表面風光，但細個嗰陣屋企人就好鼓勵我參加音樂劇，培養我喺音樂方面嘅興趣，趁年輕有本錢就去追夢，唔想有遺憾。」