黃翊幫仔仔消脂10磅：最肥163磅！

歌手黃翊與何婉盈舉行網上音樂會，兩人將合唱《花與琴的流星》及《再見亦是朋友》，何婉盈表示未曾跟黃翊合唱過，黃翊即說：「你唱得咁叻，我邊有機會同前輩合唱呀，你係80年代頭歌手，我係80年代尾出道。」何婉盈笑言：「我幾歲就出嚟唱歌！」

談及疫情影響百業，黃翊指雖然禁聚令放寬可8人同枱，但其茶餐廳的生意額未知可有回升：「雖然呢幾日好啲，但唔知會唔會係曇花一現。」又指在疫情間沒有工作，惟有捉14歲仔仔陪他做運動，成功為仔消脂10多磅：「佢跑得好辛苦，見佢咁樣，惟有由跑變行路，都瘦咗好多，佢最肥時成163磅。」講到黃翊仔仔可以跟何婉盈的13歲女兒對親家，何婉盈說：「佢個仔瘦咗可以。」

P3]