同家人坐完隔離監　梁麗翹帶囡囡破關慶生

藝人梁麗翹早前舉家到美國探親，至四月底才返港，之後宅家隔離，終於隔離期滿，可以帶女兒Nanette出關，順道慶祝囡囡兩歲生日。

她說：「Nanette差唔多三個月冇見過其他小朋友，嚟緊我嘅工作就會約多啲小朋友出嚟玩！生日正日我會親手整咗個無糖蛋糕，朝早八點幾起身整，喺屋企布置吓、同佢影吓相，中午就出去食自助餐，佢終於有得出街，見佢真係好開心，嗰度室外有好多狗仔，酒店又有電動車畀佢玩，佢玩到唔想走。」

她說原來女兒兩歲前也從未吃過糖果，故吃自助餐時可以破戒，「我平時整蛋糕都係無糖蛋糕，用香蕉同蜜糖做，本身已有甜味，今次佢第一次食到外面超好味嘅甜品，食到好滋味。」