東網電視
更多新聞短片
視頻觀看次數: 172
除了在音樂上有發展，林二汶希望在幕前亦有發揮。
1/3
歌手林二汶晚上為有份演出兼任配樂的電影出席首映禮，她說：「好耐冇出席咁大型嘅宣傳活動，所以好期待！」還自嘲在做後期配樂期間一時醒唔起自己有份演出，：「發覺都做得幾差！有啲位可以做得更好，果然啲戲（演技）要時間訓練出嚟。」
講到憑電影獲金像獎「最佳原創電影歌曲」殊榮後，多了電影公司邀請她做配樂，不過自己的心願是被提名「最佳女配角」：「想拍多啲戲！女配角演出5分鐘就夠資格被提名，只不過今次冇，但人生點都要試一次，覺得拍戲好好玩、過程好得意。」
另外，她指年底將舉行個唱：「會喺九展開兩場，海報都已經影好，希望唔受疫情影響，順利舉行，詳情稍後會再公布。」
林二汶計劃在九展開騷。
台前幕後的主創在首映禮合照。
